D Boxe wummered, die brachiali Blöser Sektion hornet e Klangwand wo di mitriist. Ruch und ungschliffe, gsellschaftskritisch, wild, luut und schnell. Das isch die Punkig Site vo Waskabi.  S Saxophon spielt e lieblichi Melodie, de Bass mit sim Discolauf über en triolische Rhytmus paart mit em Spanische Gsang, loht di träume vo ferne Wälte. Ruhig, lustig, fröhlich, vielschichtig, verbunde em Traditional Ska em Reggae und de World Music, das isch die ruhiger Site.  Waskabi’s SKA nimmt dich im Zeppelin mit uf en musikalischi Weltreis. Vom Balkan nach England vo Jamaika uf Südamerika, Texte in Mundart, Spanisch, Englisch und Russisch. Waskabi isch definitiv die vielsitigsti aktivi Schwizer Ska Band.  Am Schluss stoht en Frog: Händer Bock uf #OFFBEATPARTY?!